luns, 29 de xaneiro de 2024

mércores, 22 de novembro de 2023

Preparando o festival de nadal.

 Aquí vos deixo as cancións que estamos aprendendo para o festival por se queredes practicar na casiña

 

 
 Unha nena e unha estrela


El tigre

 
 El tigre instrumental


xoves, 20 de abril de 2023

PARTICIPAMOS NA V EDICIÓN DE OURENCANTO 2023

A fin de semana do 15 e 16 de abril un grupo de 19 nen@s do coro do noso cole participou na V edición de Ourencanto. O noso centro é o segundo ano que participa e moitos nenos repetían a experiencia vivida o ano pasado. Unha vez máis foi máxico! Pasámolo xenial! Traballamos duro, foi moito tempo de ensaios tanto o sábado coma o domingo pero tamén nos divertimos e aprendemos moitísimo: a ser pacientes, a insistir para que as cousas saian ben, a estar en silencio cando toca, a rirnos cando nos din cousas divertidas, a escoitar aos compañeiros, a cumplir cos horarios para que todo saia ben, a cantar mellor, a cantar moitos máis e escoitar o resultado, a pasar moito tempo xuntos, a coñecer nenos e nenas que traballan o mesmo ca nós, a sentir emocións moi intensas, e moitas cousas máis.... Hai que vivilo para entendelo, e nós tivemos a sorte e o privilexio de poder vivilo e sentilo. E despois dese fin de semana os nenos e nenas de terceiro e cuarto repetiron o concerto no auditorio para moitísimos nenos da cidade, que máis se pode pedir? Aquí podedes ver todas as fotos e vídeos deste V Certame de Ourencanto.



domingo, 29 de xaneiro de 2023

UNHA CANCIÓN PARA ROSALÍA

Como está a chegar o Día de Rosalía, imos aprender esta canción que espero que vos guste moito.

domingo, 8 de xaneiro de 2023

luns, 12 de decembro de 2022

Enola gay

Vídeo para os alumnos e alumnas de sexto.

mércores, 30 de novembro de 2022

domingo, 18 de setembro de 2022

FRAUTA

 

luns, 12 de setembro de 2022

Un repasiño moi sinxelo

 Con estes xogos imos repasar algúns contidos musicais, algúns  moi básicos. A ver se sodes quen de lembrar todo!


mércores, 7 de setembro de 2022

Benvidos ao novo curso 2022-2023

 Comezamos unha nova viaxe na que viviremos moitas aventuras musicais. Abrochade ben os cintos que comezamos! Boa viaxe amiguiños!



martes, 19 de abril de 2022

domingo, 6 de febreiro de 2022

TANXUGUEIRAS

 Como moitos me pedides que poña no blog os vídeos de Tanxugueiras déixovolos aquí para que os vexades.

xoves, 7 de xaneiro de 2021

Festival de Nadal

 Este curso no que todo é diferente o noso festival de Nadal non podía ser menos. Así pois non quixemos deixar de facer o noso particular fetival nun formato adaptado á situación actual. Aquí vos quedan os vídeos de diferentes actividades levadas a cabo neste trimestre polas diferentes clases. 

domingo, 8 de novembro de 2020

TOMA CASTAÑA

Como xa case estamos de magosto, esta semana escoitamos a canción "Castañas asadas"

domingo, 25 de outubro de 2020

Música da Semana

Como xa se está achegando o samaín esta semana escoitaremos unha canción relacionada con esta celebración. Titúlase "O tren do pesadelo".

domingo, 18 de outubro de 2020

Música da semana

Esta semana escoitamos unha simpática canción relacionada co Día da Biblioteca que se celebra o 24 de outubro. Espero que vos guste!

domingo, 4 de outubro de 2020

domingo, 20 de setembro de 2020

luns, 14 de setembro de 2020

Repasamos

Déixovos dúas actividades de repaso. Unha delas é un repaso dalgúns contidos musicais e outra son varios exercicios rítmicos moi divertidos que atopei na web de Mª Jesús Camino. Grazas! 

xoves, 10 de setembro de 2020

ÉRASE UNHA VEZ UN NOVO COMEZO

 Aquí estamos de novo cun curso por diante cheo de retos. Tentaremos sacalo adiante da mellor forma posible, con máscara e distancia de seguridade incluídas!. Aínda que esas mediadas nos impidan tocar e cantar xuntos, buscaremos o xeito de facelo. Seguro que o atopamos! Só hai que querer! Para comezar déixovos o tema da Música desta semana. Trátase da última canción de Pau Donés, solista do grupo "Jarabe de Palo". Déixovos tamén unha adaptación que fixen da súa letra para que a cantedes na casiña!

xoves, 18 de xuño de 2020

Festival virtual de final de curso


Pois xa chegou o último día de curso e ímolo despedir cun festival virtual. Neste escenario tedes os últimos vídeos que me fostes mandando e que son dignos do mellor festival. Asique aquí están reunidos para que os vexades e disfrutedes. Os "artistas" participantes son: Antía Cruz de 5º de primaria, Mateo Pereira de catro anos, Mirene de catro anos tamén e o seu irmán Añel de 4º A, Daniel Janeiro de 4º B e o seu irmán Xavier Janeiro de 5 anos. Contamos tamén coa participación de Diego Rodríguez de cinco anos que nos enviou unha foto ben bonita. Grazas Diego! Poderedes disfrutar de interpretacións das diferentes actividades propostas ao longo deste tempo e o broche final o porán Daniel e Xavier Janeiro que farán unha versión da canción "It,s the finale countdown" que tocarán coa guitarra e o xilófono. Espero que vos guste e que valoredes o talento destes grandes músicos do presente e do futuro. Un aplauso para todos eles!! Grazas por participar!!

xoves, 11 de xuño de 2020

Hoxe saúda... Mateo Pereira!

Mateo Pereira comparte con nós o seu ratiño musical. No seu caso é ao piano! No vídeo podemos ver o que el presenta como "un concerto de piano". Moitas grazas Mateo, segue mantendo sempre a ilusión pola música! Encántanos verte!

martes, 9 de xuño de 2020

Momento musical de Gael

Hoxe vén saudarnos Gael de 3º curso que comparte con nós este vídeo co que quedaredes impresioandos polo seu talento musical. Fixádevos que ben toca a batería! Seguro que chegará a ser un excelente percusionista. Grazas polo teu vídeo, Gael. Encántanos verte!!


mércores, 3 de xuño de 2020

O momento musical de Mirene e Añel

Mirade a quen temos de novo por aquí. Aos dous irmáns Añel e Mirene que siguen demostrando que o ánimo non decae e continúan a facer cada semana as súas actividades musicais. Añel practicando unha coreografía de Queen e Mirene pola súa banda escoitando moi atenta "Yellow submarine" de The Beatles. Moi ben rapaces! Moitas grazas polo voso traballo e por compartilo con nós. Estamos encantados de vervos de novo!

martes, 2 de xuño de 2020

Diego fai unha guitarra!

Hoxe Diego, da clase de 5 anos quere compartir con nós este instrumento caseiro tan orixinal que fixo. Unha guitarra!! Non lle falta detalle. Grazas Diego por animarte a facelo e por compartir as fotos con nós. Encántanos verte!


luns, 1 de xuño de 2020

Así de ben o fai Leo!

Fixádevos no ben que leva Leo o ritmo!! Ademais de facelo con precisión a súa expresión demostra o ben que o pasa e como desfruta facendo esta canción. Moi ben Leo!! Grazas por compartir con nós este momento musical. Encántanos verte!

domingo, 31 de maio de 2020

A frauta de pan de Alexandre

Alexandre da clase de 5 anos, fixo esta estupenda e colorida frauta de pan que comparte con nós. Grazas Alexandre!

xoves, 28 de maio de 2020

Momentos musicais de Añel e Mirene

Hoxe temos aquí a Añel e Mirene que nos regalan estes vídeos onde podemos ver o ben que fan as actividades de música. Fixádevos o concentrado e entusiasmado que está Añel e Mirene pola súa parte escoita moi contenta unha das cancións das actividades. Alegrámonos moitísimo de vervos! Grazas pola vosa aportacion!

martes, 26 de maio de 2020

Hoxe saúdanos... Antía Cruz

Antía Cruz de 5º comparte con nós dous momentos musicais destes días. Un,  facendo un acompañamento rítmico con palmas e outro practicando coa frauta unha canción que fixemos no cole. Estupendo traballo Antía. Moitas grazas por compartilo con nós, alegrámonos de verte!!

luns, 25 de maio de 2020

Saúdan Diego e Raúl!

Hoxe comparten con nós os seus traballos musicais dous irmáns: Raúl Rodríguez de 5ª de primaria e o seu irmán Diego , da clase de cinco anos. Moitas grazas nenos polo voso esforzo  interese! Qué propostas e ideas tan orixinais! Fixádevos! Notas musicais con pompóns!! 
 


 

xoves, 21 de maio de 2020

As vosas fotos e vídeos. Hoxe: Mateo e Álvaro!


Hoxe temos a Mateo de primeiro que nos envía un vídeo bailando a canción desta semana. Fixádevos que ben o pasa!! Tamén  Álvaro de terceiro  animouse a  costruír este instrumento musical tan orixinal. Sabedes o que é? Un pau de chuvia. Moitísimas grazas aos dous por adicarlle á música un ratiño do voso tempo e por compartir con nós as vosas experiencias. Biquiños!


venres, 15 de maio de 2020

Resposta as vosas dúbidas

Sodes moit@s os que me escribides a través do formulario de contacto que hai neste blog para facer algún comentario ou pregunta. Está xenial e agradezo todas e cada unha das intervencións e gústame dar resposta a todas en canto podo, pero non sempre é posible porque en moitos casos non poñedes o voso correo! Se poñedes o voso correo eu contestarei aos vosos comentarios senon déixovos aclarado que recibo e leo todo o que me escribides e ademais, encántame que o fagades! Aclaro tamén que os cuestionarios que cubren os nenos ao rematar as actividades recíboos todos, non vos preocupedes, en canto clican no cadro de enviar xa o recibo eu coas súas respostas e comentarios. O que si vos pediría e que puxeran o nome, porque moitas veces só poñen o curso e así non podo saber de quen é o cuestionario.. Mil grazas a todos polo voso interese e comentarios e moitísimos bicos para todos os nenos e nenas. Eu tamén vos boto de menos requetemoitísimo... 

luns, 11 de maio de 2020

As vosas fotos e debuxos





Algúns nenos enviáronme fotos ou debuxos das actividades da semana pasada que vos deixo aquí para que todos as vexades. Podedes ver os debuxos que lles inspirou a música de Beethoven a Iker, Alexandre, Xavi e Anxo Rodríguez e tamén podedes ver a Unai e a Lena de 3º moi entretidos facendo as actividades de música e a Brais tocando o seu instrumento favorito. Grazas a todos polo voso interese e ilusión!



Lena Santos facendo as actividades de música





Brais co clarinete, o seu instrumento favorito


Anxo Rodríguez Diz co seu traballo de Beethoven
           
                                                                                                                                                               
Unai Espinosa facendo actividades de Beethoven  
                                                                                                                                                                                                                                                                                                                                

mércores, 6 de maio de 2020

"Chea de vida"

Xa podedes ver o resultado da montaxe cos  vídeos que me mandastes cantando a canción "Chea de vida" de Guadi Galego. Moitas grazas a todos os que vos animastes a participar, sei o esforzo que supón facelo nestas circunstacias asique todo agradecemento é pouco!!

mércores, 29 de abril de 2020

Actividades terceira avaliación

Ola a todos de novo! Estou a preparar diferentes actividades para esta terceira avaliación que poidan resultar motivadoras, entretidas coas que sigades aprendendo e que non supoñan unha carga engadida a esta situación que estamos a vivir. Para elo coloquei unhas pestanas cos diferentes cursos onde irei propoñendo diferentes actividades, aínda que moitas aparecerán en varios cursos á vez porque as podedes facer varios niveis. De todos os xeitos, podedes entrar en cursos diferentes aos vosos por se vos apetece e sodes capaces de facer outras actividades que tamén vos poidan gustar. Nesta entrada principal irei poñendo avisos ou propostas comúns a todos. O primeiro que imos traballar é a figura de Beethoven que tiña previsto para este terceiro trimestre. Aproveitando que este ano 2020 celébrase o 250 aniversario do seu nacemento.  Imos coñecer a este gran músico do inicio do Romanticismo.