Por fin chegou o Samaín!

Hoxe 31 de outubro celebramos no cole o Samaín con moitas actividades. Irán aparecendo nesta entrada pouco a pouco. De momento podedes ver como cantan unha canción os nenos de segundo B e aos maiores de sexto interpretando coa frauta a "Marcha Fúnebre" de Chopin. 

Nova partitura para terceiro

Aquí vos deixo a nova canción para os nenos de 3º.

Aquí non hai quen viva

Os nenos e nenas de 3º B e 4º B, fixeron uns textos de escritura creativa relacionados co samaín que levan por título "Aquí non hai quen viva". Podédelos ver no seguinte vídeo.

Co corazón feito cinzas...

Que as vosas conciencias e corazóns sexan sempre tan inocentes coma hoxe. Oxalá vós melloredes o futuro...

Un ritmo para o Samaín

Os alumn@s de 5º estiveron a practicar un ritmo coa melodía da serie "A Familia Adams". O divertido é que o fixeron cuns instrumentos moi especiais: as súas propias carpetas! No vídeo podédelo ver aínda que a grabación non é de moita calidade.

Máis ensaios...

Tamén os maiores do cole practican a canción, pero eles o fan cun valor engadido que é acompañala cun ritmo percutido con palillos chinos.

Seguimos ensaiando para o día da Biblioteca. Aquí vos deixo o vídeo d@s pequen@s de 5 e 4 anos e d@s nen@s de 1º e 2º B.

Que ilusión tocar a frauta!

Din que unha imaxe vale máis ca mil palabras, pois fixádevos que ben o fixeron o PRIMEIRO día que os nen@s de 3ºA e 3ºB colleron a súa frauta. Que ganas tiñan! por iso o fixeron tan ben. Seguide así rapaces!

Aquí vos deixo a vosa partitura coa súa instrumentación, para que sigades practicando a nota SI.

A tocar coa frauta!

Os nen@s de 4º, imos comezar con esta sinxela partitura para frauta!

A fada de azucre

Aquí podedes ver a clase de hoxe dos alumn@s de 4ºA na que acompñaron a "Danza da Fada de Azucre" con instrumentos de pequena percusión. Moi ben para facelo só dúas veces!

Ballade

Aquí tedes a partitura da canción que empezamos a preparar na clase. Animádevos a practicala.

Ballade.mp3

Xogade con Beethoven

No día de onte Google estaba de aniversario e ofreceunos a posibilidade de xogar a varios xogos. Un deles é este que vos deixo aquí para que axudedes a Beethoven a ordenar algúns fragmentos de varias das súas obras máis coñecidas. Animádevos, é moi fácil e divertido. Se pinchades na imaxe xa podedes xogar.

Para o samaín...

"Himno da Biblioteca"

No noso cole temos a sorte de contar cunha Biblioteca preciosa e extraordinaria, con máis libros e contos cada día. Como dentro dun mes máis ou menos (o 24 de outubro) se celebra o Día Inetrnacional da Biblioteca, desde a clase de Música estamos a aprender unha bonita canción que podedes ver e escoitar e practicar aquí. Ah! E fixádevos  neste vídeo como o fixeron os nen@s de 2º A e 4ºB nos primeiros ensaios!

    

Vacacións divertidísimas

Pois aquí temos o primeiro traballo do curso: un pequeno texto no que os nen@s de 3º B e 4º B contaron como lles foron as súas vacacións de verán. Parece que as pilas viñeron ben cargadas, xa que o fixeron así de ben! Se premedes nas imaxes podedes ver as fotos.

 

                    

Benvidos

Benvidos a todos os nenos, nenas e demais persoas que queiran darse unha volta por estes lares...
Comeza un novo curso (2017/2018) e un novo proxecto con este blog que poñemos en marcha, no que poderedes ir vendo pinceladas de diferentes traballos, actividades e todas as cousas que se nos vaian ocurrindo coas que ir medrando e aprendendo día a día. A desfrutar!